Түбәң булу – бәхет
– Яшел Үзән районында сугыш ветераннарын торак белән тәэмин итеп бетерделәрме? Торак шартларын яхшыртырга теләүчеләр бездә күпме?
– Халык депутатларының 37нче шәһәр һәм район сессиясендә түбәндәгеләр җиткерелде. Районда торак шартларын яхшыртырга теләүче 1043 гаилә чиратта тора. Аларга фатирлар муниципаль һәм республика максатчан программалар буенча бирелә. Сугыш ветераннарына килгәндә исә, бүгенге көндә бер Бөек Ватан сугышы ветераны һәм Бөек Ватан сугышында катнашкан кешеләрнең дүрт тол калган хатыны фатир алуга мохтаҗ. 2018 елда бер Бөек Ватан сугышы ветераны һәм ике тол апа торак сатып алу өчен сертификат алды. Шунысын әйтергә кирәк, программалар гамәлгә ашырылу чорыннан алып бүгенгәчә Яшел Үзән районында 516 Бөек Ватан сугышы ветераны фатирлы булды.