Муниципаль районнар Зеленодольск муниципаль районы Район хакында Шәһәр һәм авыл җирлекләре Осиново авыл җирлеге Оешу тарихы

Оешу тарихы

Беренче тапкыр рәсми документларда Осиново авылы 1793 елда искә алына.Авылның беренче кешеләре крепостное праводан качып киткән крестьяннар була. Алар Казан шәһәре һәм Раифа монастыре арасында бик яхшы урын таба.

Вакытлар үтә, авыл байый, бу турыда 1884 елда агач урынына таш чиркү төзелеше сөйли. 1901 елда чиркәү мәктәбе ачыла. Авылда үзенең тимерче алачыгы, тегермәне була һәм алар узган гасырның 30нчы елларына кадәр халыкка хезмәт итә.

1918 елның мартында Осиново авыл Советы оеша. 1932 елның февралендә аның составына Яңа Тура, Дүрт Йорт, Новониколаевский авыллары керә. 1932 елда башлангыч мәктәп базасында җиде еллык мәктәп ачыла.1933 елда К.Маркс исемендәге колхоз оеша. Бөек Ватан сугышына кадәр Осиновода ипине үз пекарняларында салалар. Терентьев Федор пешергән икмәк даны авылда гына түгел, тирә-юньгә дә тарала. 1936 елда зур булмаган сөт заводы эшли башлый, ул 1960 елга кадәр эшли.

Бөек Ватан сугышына Осиново авыл җирлегеннән 134 кеше китә. Яу кырыннан нибары 76сы гына әйләнеп кайта. Осиново авылында туган Шуравин Константин Матвеевич һәлак булганнан соң Советлар Союзы Герое исеменә лаек була. Үзенең яна торган самолетын дошман складлары өстенә юнәлтә. Осиноводагы бер урам 1985 елдан бирле Константин Шуравин исемен йөртә.

Бөек Ватан сугышында катнашучы осиноволылар арасында 1976 елдан 1983 елга кадәр Осиново урта мәктәбе директоры булып эшләгән Гайсин Мидхәт Фазыл улы да бар. Франция каршылык күрсәтү хәрәкендә катнашкан, Зеленодол районының мактаулы гражданы.

1960 елда колхоз “Юдинский” совхозына үзгәртеп корыла. Шул ук елны совхоз ике катлы йортлар сала башлый. 1958 елда авыл Советы составына Воронино, Ремплер авыллары керә. Авыл җирлеге чиге шул еллардан бирле үзгәрмәгән. 1965 елда Осиновода Җиңү көнендә Бөек Ватан сугышында һәлак булучыларга һәйкәл куела. Бу һәйкәл Зеленодол районында ачылган беренче һәйкәл була.

1971 елда “Казан” кошчылык фабрикасы төзелә башлый, 1973 елда беренче продукциясен чыгара. 1972 елда “Майский” теплица совхозы эшли башлый, 1974 елда беренче продукциясен чыгара. Аның беренче директоры Карпов Виктор Васильевич була. Бүген аның исемен Осиново урта мәктәбе йөртә.

Яңа авыл хуҗалыгы предприятиеләре белән бергә шәһәр тибындагы бистә дә үсә. Авыл советы, почта яңа бинага күчә. 1976 елда Осиново авыл амбулаториясе ачыла. Шул ук елны “Майский”ның - “Васильки”, “Казан” кошчылык фабрикасының “Аленушка” балалар бакчасы ачыла.

1984 елда Осиново авылының иске өлешен газлаштыру мәсьәләсе хәл ителә. Монда “Юдинский” совхозы (директоры Журавлев Иван Ильич) ярдәмгә килә. Авылның бер өлешенә Журавлев исеме бирелә.

90 елларда башка торк пунктларга – Яңа Турага, Воронинога, Ремплерга газ кертелә, бу авылларда юллар төзекләндерелә.

Осиново авыл җирлеге – күп милләтле, биредә күп кенә милләт вәкиләре яши. Рухи хаҗәтләрне канәгатьләндерү өчен 1992 елда – чиркәү, 1994 елда мәчет төзелә.

Соңгы яңарту: 2013 елның 10 августы, 08:17