Муниципаль районнар Зеленодольск муниципаль районы Район хакында Шәһәр һәм авыл җирлекләре Раифа авыл җирлеге Оешу тарихы

Оешу тарихы

Раифа авыл җирлеге Зеленодольск шәһәреннән 30 км ераклыкта урнашкан һәм Зур Ключи, Осиново, Әйшә, Новопольский авыл җирлекләре белән чиктәш.

1982 елда халык депутатларының Раифа авыл Советы оеша, ә 2006 елда Раифа авыл җирлеге Советы итеп үзгәртелә.

Авыл җирлегенең административ үзәге Бело-Безводный авылында урнашкан, авылга 17 гасырда нигез салына. Авыл исеме ике сүздән беловое – ак һәм безводный – сусыз сүзеннән ясалаган һәм Сумка елгасының ике як ярына урнашкан.

Раифа бистәсендә мәдәни мирас объекты – 17 гасырда нигезләнгән Раифа ирләр монастыре урнашкан. Монастырь эшли. Анда төзекләндерү эшләре дәвам итә, Россия туристлары гына түгел, чит ил туристлары да бу урын белән нык кызыксына.

Раифа авыл җирлеге тыюлык җирләренә урнашкан. Торак пунктлар калын урманга диярлек терәлеп утыра. Зеленодольск-Казан-Раифа трассасыннан алып 3 км урманның уникаль аерымлылыгы бар: яфраклы урман ылыслыга әйләнә, гадәттә мондый үзгәреш дистә километрларга сузыла. Садовый бистәсендә 1921 елда нигез салынган дендрарий урнашкан. Монда Америка, Азия һәм Европа табигатенә хас 500гә якын агач һәм куак үсә.

Соңгы яңарту: 2013 елның 10 сентябре, 15:01